5 Palatandaan ng nag-iisang legit Tala Facebook page

Babala! Marami ang gumagawa ng fake Facebook page at nagpapanggap na sila ang legit na Tala para makapag-scam. Ginagaya nila ang logo, profile picture, cover photo, at posts ng Tala para magmukha silang totoo. Kumokontak sila gamit ang Messenger at kung minsan ay nagse-send pa ng friend request. Naku! Hindi legit ‘yon!

Isa lang ang Facebook page ng Tala. Mahalagang alam natin kung paano ma-identify ang tunay na Facebook page para hindi na tayo malilito kung legit ba o fake ang nabisita nating account.

Paano malalaman ang nag-iisang tunay na Tala Facebook page?

  1. PAGE TITLE

Ang pangalan ng aming Facebook page ay Tala (PH – Tagalog, English).

  1. BLUE CHECKMARK

Hanapin kung may BLUE CHECKMARK sa tabi ng pangalan ng aming page. Ito ang palatandaan na verified ng Facebook na legit ang isang page.

  1. WEB ADDRESS

Ang URL o web address ng aming Facebook page ay https://www.facebook.com/talaphilippines. Kung ang gamit mo ay browser, makikita ito sa address bar.

  1. NO CHATBOX OR MESSAGE BUTTON

Walang message button sa aming page dahil hindi kami nakikipag-chat gamit ang Messenger kaya kung may biglang mag-pop up na chatbox o message button sa binisita mong account, hindi legit ‘yon.

  1. 650K+ FOLLOWERS

Ang aming followers ay mahigit na sa 650K kaya kung ang makita mong page ay mas kaunti sa 650K, mag-isip ka na.

Ang 5 palatandaan na aming nabanggit ay mahalaga para sa inyong kaalaman nang makaiwas sa scam.

Muli, tandaan na nag-iisa lang ang aming Facebook page at hindi kami related sa iba pang page at individual account na nagpapakilalang related sila sa Tala. Mahigpit naming ipinapaalala na hindi kami magcha-chat at hindi rin kami magse-send ng friend request sa inyo.

Alamin ang totoo para hindi ka maloko!