Magandang araw, mga ka-Tala! Ako ang kumare niyong si Lucy mula sa Tala, nandito para sagutin ang mga katanungan ninyo. May tanong ba kayo tungkol sa Tala? Tungkol sa loans? Sa finances? Tungkol sa buhay? Eh sa love life? Lahat ‘yan susubukan nating sagutan! 

Ang sulat natin ngayong araw ay mula sa isa nating ka-Tala, si Jenny.

Dear Lucy, 
Maraming salamat ulit sa Tala! Ang kasalukuyang loan ko ay labis na nakatulong sa mga back-to-school expenses ng anak ko, lalo na sa pagbili ng bagong uniform ng bunso ko. First kong humiram sa Tala at di ko sure kung paano ito babayaran. Maaari bang maitanong kung paano ang proseso ng pagbabayad? Makakapag loan ba ulit ako agad matapos ko itong bayaran? Gusto kong makasigurong mabayaran ng tama, at tama sa oras ang loan ko upang mapanatili ang magandang experience ko with Tala. 

Salamat ulit! The best talaga ang Tala!
Jenny

Dear Jenny,

Maraming salamat sa pagiging loyal customer namin sa Tala! Sana ay natulungan ka ng huli mong loan para sa bagong school uniform ni bunso! Sigurado kami glowing na glowing siya sa bago niyang school uniform!

Asahan mong nandito lang ang Tala para sa lahat ng pangangailangan mo, kaya nais kitang tulungan sa katanungan mo tungkol sa pagbayad.

Simple lang! Sundin lang natin ang sumusunod na instructions:

  1. Sa home page ng Tala app, i-click ang “Make a Payment” button.
  2. Ilagay ang amount o halaga ng iyong nais bayaran at i-click ang “Submit”
  3. Pagkatapos nito, ikaw ay makakatanggap ng SMS o text mula sa NXSMS/COINS.ph na may lamang payment request link.
  4. I-click ang link at pumili kung saan mo nais bayaran ang iyong loan: Cebuana Lhuillier, MLhuillier, Coins.ph o sa 7-Eleven – kung saan man pinakamadali para sa inyo. 
  5. Matapos pumili, may matatanggap kang SMS o email na may reference number. (Tandaan: Ang iyong reference number ay valid lamang sa loob ng 8 oras pagkatanggap mo nito.) 
  6. Ipakita ang reference number sa teller ng iyong napiling outlet upang magbayad at bayaran ito dito.

Pagkatapos mo magbayad, makakatanggap ka ng text at makikita din ang confirmation sa iyong Tala app na bayad na ang iyong loan. Matapos bayaran ang iyong loan, ay agad ka na ulit pwedeng makakuha ng panibagong loan!

Tandaan: Cebuana Lhuillier, MLhuillier, Coins.ph, at 7-Eleven lamang ang authorized at kinikilalang partner ng Tala upang bayaran ang iyong loan. Ang mga payment na hindi ginawa sa mga outlet na ito ay hindi namin mapaprocess. 

Maaari mo ring panooring ang video na ito kung paano mo maaaring bayaran ang iyong Tala loan:

Naguguluhan pa din? Wag mahiyang manawagan sa support@tala.ph o kaya naman ay i-chat kami sa Tala app o Facebook.

Nagmamahal, 
Lucy

Download Tala